«Barselona» Londonning «Arsenal» klubi universal himoyachisi Pyero Inkapyega qiziqish bildirmoqda. Garchi 23 yoshli futbolchi London klubidagi holatidan mamnun bo‘lsa-da, Daily Mail nashri ushbu transfer mish-mishlarini tarqatdi.

«Ispaniya tomoni bitimni amalga oshirish oson emasligini tushunadi, ammo o‘z kuchini sinab ko‘rishga tayyor», — deb qayd etadi manba.

Eslatib o‘tamiz, Inkapye «Arsenal»da bir mavsumni o‘tkazdi. U nominal jihatdan markaziy himoyachi sifatida olingan bo‘lsa-da, ekvadorlik futbolchi ko‘pincha chap qanot himoyasida Rikkardo Kalafyorini almashtirib, foydali o‘yin ko‘rsatdi. O‘tgan mavsumda Inkapye «Arsenal» safida jami 38 ta o‘yinda maydonga tushib, bitta gol urdi va ikkita golli uzatmani amalga oshirdi.