«Arsenal» bosh murabbiyi Mikel Arteta «BBC» teleradiokompaniyasi talqiniga ko‘ra, 2025/26 yilgi mavsumning eng yaxshi murabbiyi deb topildi. 44 yoshli ispaniyalik mutaxassis qo‘l ostidagi «kanonirlar» 22 yillik tanaffusdan so‘ng Angliya Premyer-ligasi chempionligini qo‘lga kiritdi.
London klubi 38 tur davomida 85 ochko jamg‘arib, birinchi o‘rinni egalladi va eng yaqin ta’qibchisi — «Manchester Siti»dan 7 ochkoga o‘zib ketdi.
Eslatib o‘tamiz, «BBC» tomonidan tuzilgan mavsumning ramziy terma jamoasidan «Arsenal»ning 5 nafar futbolchisi, jumladan, mavsumning eng yaxshi o‘yinchisi Deklan Rays ham o‘rin oldi.
«Arsenal» o‘z tarixida 14-marta Angliya chempioni bo‘ldi. Londonliklar 2003/04 yilgi mavsumdan buyon ilk bor Premyer-ligada g‘olib chiqishdi. O‘shanda Arsen Venger boshchiligidagi «kanonirlar» turnirni mag‘lubiyatsiz yakunlashgan edi.
