«Арсенал» бош мураббийи Микель Артета «BBC» телерадиокомпанияси талқинига кўра, 2025/26 йилги мавсумнинг энг яхши мураббийи деб топилди. 44 ёшли испаниялик мутахассис қўл остидаги «канонирлар» 22 йиллик танаффусдан сўнг Англия Премьер-лигаси чемпионлигини қўлга киритди.
Лондон клуби 38 тур давомида 85 очко жамғариб, биринчи ўринни эгаллади ва энг яқин таъқибчиси — «Манчестер Сити»дан 7 очкога ўзиб кетди.
Эслатиб ўтамиз, «BBC» томонидан тузилган мавсумнинг рамзий терма жамоасидан «Арсенал»нинг 5 нафар футболчиси, жумладан, мавсумнинг энг яхши ўйинчиси Деклан Райс ҳам ўрин олди.
«Арсенал» ўз тарихида 14-марта Англия чемпиони бўлди. Лондонликлар 2003/04 йилги мавсумдан буён илк бор Премьер-лигада ғолиб чиқишди. Ўшанда Арсен Венгер бошчилигидаги «канонирлар» турнирни мағлубиятсиз якунлашган эди.
