30 may kuni «PSJ» Chempionlar ligasi 2025/26 yilgi mavsumi g‘olibiga aylandi. Finalda Parij klubi penaltilar seriyasida «Arsenal»ni mag‘lub etdi (1:1, penaltilar bo‘yicha 4:3).
Garchi «PSJ» vingeri Xvicha Kvarasxeliya final uchrashuvida gol ura olmagan bo‘lsa-da, u bir mavsum davomida urilgan gollar soni bo‘yicha klub rekordini takrorlashga muvaffaq bo‘ldi.
2025/26 yilgi mavsumda Kvarasxeliya Chempionlar ligasida 10 ta gol urdi. Xuddi shuncha golni 2015/16 yilgi mavsumda parijliklar safida Zlatan Ibragimovich qayd etgan edi.
Alohida ta’kidlash joizki, Xvicha o‘zining 10 ta golidan 7 tasini YECHLning pley-off bosqichlarida raqiblar darvozasiga yo‘llagan.
