Angliya terma jamoasi Tomas Tuxel boshqaruvidagi birinchi yirik turnirga tayyorgarlik ko‘rmoqda. Nemis mutaxassisi 2025 yil boshida aniq maqsad — Jahon chempionatida g‘alaba qozonish vazifasi bilan ishga tayinlangan edi.
«MatchDay Central» nashrining «Goal»ga tayanib xabar berishicha, Angliya futbol assosiasiyasi murabbiyga bo‘lajak mundialda chempionlikdan boshqa har qanday natija muvaffaqiyatsizlik sifatida baholanishini ma’lum qilgan.
Tomas Tuxel tomonidan JCH-2026 uchun tanlangan tarkib ko‘plab bahs-munozaralarga sabab bo‘ldi — ro‘yxatdan ko‘plab yulduz futbolchilar joy olmadi. Shu bois, murabbiy birinchi muvaffaqiyatsizlikdanoq qattiq tanqidlarga uchrashi aniq. «Uch sherlar»ning guruh bosqichidagi raqiblari — Xorvatiya, Gana va Panama.
