Kataloniyaning «Barselona» klubi o‘z safidagi ikki himoyachi – Ronald Arauxo va Alexandro Baldening kelajagi borasida bir to‘xtamga keldi. Bu haqda Sport.es portali jurnalistlari xabar bermoqda.
Manbaga ko‘ra, «ko‘k-anorranglilar» rahbariyati Alexandro Baldeni yozgi transfer oynasida sotuvga qo‘yishga qaror qildi. Ronald Arauxoga keladigan bo‘lsak, kataloniyalik grand urugvaylik futbolchini kelasi mavsumda ham jamoa safida olib qolishni istamoqda.
Eslatib o‘tamiz, o‘tgan mavsumda «Barselona» Ispaniya La Ligasida birinchi o‘rinni egallab, chempionlik unvonini himoya qildi. Xans-Diter Flik shogirdlari madridlik «Real»ni sakkiz ochko farqi bilan ortda qoldirishgan edi.
