Каталониянинг «Барселона» клуби ўз сафидаги икки ҳимоячи – Рональд Араухо ва Алехандро Бальденинг келажаги борасида бир тўхтамга келди. Бу ҳақда Sport.es портали журналистлари хабар бермоқда.
Манбага кўра, «кўк-анорранглилар» раҳбарияти Алехандро Бальдени ёзги трансфер ойнасида сотувга қўйишга қарор қилди. Рональд Араухога келадиган бўлсак, каталониялик гранд уругвайлик футболчини келаси мавсумда ҳам жамоа сафида олиб қолишни истамоқда.
Эслатиб ўтамиз, ўтган мавсумда «Барселона» Испания Ла Лигасида биринчи ўринни эгаллаб, чемпионлик унвонини ҳимоя қилди. Ханс-Дитер Флик шогирдлари мадридлик «Реал»ни саккиз очко фарқи билан ортда қолдиришган эди.
