«Liverpul»ning hujumkor yarim himoyachisi Federiko Kyeza muntazam ravishda o‘yin amaliyotiga ega bo‘lishni istayotganini ma’lum qildi.

«Maydonga barqaror ravishda tushishni xohlayman. Agar buning APLda imkoni bo‘lmasa, unda yangi jamoa qidirish kerak bo‘ladi. «Liverpul»dagi birinchi mavsumimda deyarli o‘ynamadim. Hozir jamoa bilan mavsum oldi turnesiga yo‘l olyapman. Yangi bosh murabbiyimiz Iraola bilan gaplashib olaman, shundan so‘ng bir qarorga kelinadi», — deya futbolchining so‘zlarini La Gazzetta dello Sport nashri keltirmoqda.

Federiko «qizillar» safiga 2024 yilning yozida kelib qo‘shilgan edi. Tomonlar o‘rtasidagi amaldagi mehnat shartnomasi 2028 yilning o‘rtalariga qadar mo‘ljallangan. Yakunlangan mavsumda Kyeza 36 ta uchrashuvda maydonga tushib, o‘z hisobiga 3 ta gol va 3 ta golli uzatmani yozdirib qo‘ydi.