«Ливерпуль»нинг ҳужумкор ярим ҳимоячиси Федерико Кьеза мунтазам равишда ўйин амалиётига эга бўлишни истаётганини маълум қилди.
«Майдонга барқарор равишда тушишни хоҳлайман. Агар бунинг АПЛда имкони бўлмаса, унда янги жамоа қидириш керак бўлади. «Ливерпуль»даги биринчи мавсумимда деярли ўйнамадим. Ҳозир жамоа билан мавсум олди турнесига йўл оляпман. Янги бош мураббийимиз Ираола билан гаплашиб оламан, шундан сўнг бир қарорга келинади», — дея футболчининг сўзларини La Gazzetta dello Sport нашри келтирмоқда.
Федерико «қизиллар» сафига 2024 йилнинг ёзида келиб қўшилган эди. Томонлар ўртасидаги амалдаги меҳнат шартномаси 2028 йилнинг ўрталарига қадар мўлжалланган. Якунланган мавсумда Кьеза 36 та учрашувда майдонга тушиб, ўз ҳисобига 3 та гол ва 3 та голли узатмани ёздириб қўйди.
