Fransiya terma jamoasi hujumchisi Kilian Mbappe Jahon chempionati guruh bosqichi 1-turidan o‘rin olgan Senegalga qarshi bo‘lajak o‘yin haqida fikr bildirdi. Uchrashuv 16 iyun kuni bo‘lib o‘tishi rejalashtirilgan.
“Biz amaldagi Afrika chempioniga qarshi maydonga tushishimiz kerak... Endi, bilmadim, Senegalmi yoki Marokashni Afrika chempioni deb tan olishdimi. Mayli, Senegal deb hisoblay qolaylik”, — deya Madridning “Real” klubi hujumchisining so‘zlarini keltiradi CentreGoals.
Eslatib o‘tamiz, Senegal terma jamoasi yanvar oyida bo‘lib o‘tgan Afrika Kubogi finalida Marokashni mag‘lub etgan edi. Keyinchalik, belgilangan penaltidan so‘ng maydonni tark etgani uchun senegalliklarga texnik mag‘lubiyat yozildi, shu sababli Marokash terma jamoasi chempion deb tan olindi.
