Франция терма жамоаси ҳужумчиси Килиан Мбаппе Жаҳон чемпионати гуруҳ босқичи 1-туридан ўрин олган Сенегалга қарши бўлажак ўйин ҳақида фикр билдирди. Учрашув 16 июнь куни бўлиб ўтиши режалаштирилган.
“Биз амалдаги Африка чемпионига қарши майдонга тушишимиз керак... Энди, билмадим, Сенегалми ёки Марокашни Африка чемпиони деб тан олишдими. Майли, Сенегал деб ҳисоблай қолайлик”, — дея Мадриднинг “Реал” клуби ҳужумчисининг сўзларини келтиради CentreGoals.
Эслатиб ўтамиз, Сенегал терма жамоаси январь ойида бўлиб ўтган Африка Кубоги финалида Марокашни мағлуб этган эди. Кейинчалик, белгиланган пенальтидан сўнг майдонни тарк этгани учун сенегалликларга техник мағлубият ёзилди, шу сабабли Марокаш терма жамоаси чемпион деб тан олинди.
