Paragvay terma jamoasi yarim himoyachisi Damiyan Bobadilya JCH-2026 guruh bosqichining 1-turidan o‘rin olgan AQSHga qarshi o‘yinda o‘z darvozasini ishg‘ol qildi. Ushbu avtogol uchrashuvning 6-daqiqasiyu 50-soniyasida sodir bo‘ldi.
Tarixchi-jurnalist MisterChip bergan ma’lumotlarga ko‘ra, bu mundiallar tarixidagi to‘rtinchi eng tezkor avtogol hisoblanadi. Jahon chempionatlarida bundan ham tezroq o‘z muxlislarini xafa qilgan futbolchilar faqat Sead Kolashinas (Bosniya va Gersegovina, 2014 yil), Karlos Gamarra (Paragvay, 2006 yil) va Ivan Vusov (Bolgariya, 1966 yil) bo‘lishgan.
Ma’lumot uchun, uchrashuvning 31 va 45+5 daqiqasida turnir mezbonlari Folarin Balogunning gollari evaziga ustunlikni yanada mustahkamlashgan.
