Парагвай терма жамоаси ярим ҳимоячиси Дамиян Бобадилья ЖЧ-2026 гуруҳ босқичининг 1-туридан ўрин олган АҚШга қарши ўйинда ўз дарвозасини ишғол қилди. Ушбу автогол учрашувнинг 6-дақиқасию 50-сониясида содир бўлди.
Тарихчи-журналист MisterChip берган маълумотларга кўра, бу мундиаллар тарихидаги тўртинчи энг тезкор автогол ҳисобланади. Жаҳон чемпионатларида бундан ҳам тезроқ ўз мухлисларини хафа қилган футболчилар фақат Сеад Колашинац (Босния ва Герцеговина, 2014 йил), Карлос Гамарра (Парагвай, 2006 йил) ва Иван Вуцов (Болгария, 1966 йил) бўлишган.
Маълумот учун, учрашувнинг 31 ва 45+5 дақиқасида турнир мезбонлари Фоларин Балогуннинг голлари эвазига устунликни янада мустаҳкамлашган.
