Niderlandiya terma jamoasi himoyachisi Virgil van Deyk 2026 yilgi Jahon chempionati final bosqichi guruh bosqichining 1-turidan o‘rin olgan Yaponiyaga qarshi uchrashuvdagi durang (2:2) haqida fikr bildirdi.
«Menimcha, biz yaxshi himoyalandik. O‘yin oxirida haddan tashqari chuqur himoyalanishga majbur bo‘ldik, ammo bunga vaziyat ham o‘z ta’sirini o‘tkazgani aniq. Raqiblar ko‘p vaziyat yarata olishmadi, shu sababli standart vaziyatdan gol o‘tkazib yuborganimiz ikki hissa alamli bo‘ldi. Ammo reallik shunday: biz bir ochko oldik va endi bor e’tiborimizni Shvesiya bilan o‘yinga qaratmoqchimiz.
Biz shu zaylda davom etishimiz kerak. Bu faqat start va biz turnirga kirishib olishimiz lozim. Umid qilamanki, oldinda bizni hali ko‘plab o‘yinlar kutmoqda. Bahs so‘ngida gol o‘tkazib yuborganimiz sababli tuyg‘ular u qadar yoqimli emas, lekin biz oldinga harakat qilishda davom etamiz», — deya futbolchining so‘zlarini keltiradi Xalqaro futbol federasiyasi (FIFA) rasmiy sayti.
Niderlandiya terma jamoasi 20 iyun kuni Shvesiyaga qarshi maydonga tushadi.
