Нидерландия терма жамоаси ҳимоячиси Виргил ван Дейк 2026 йилги Жаҳон чемпионати финал босқичи гуруҳ босқичининг 1-туридан ўрин олган Японияга қарши учрашувдаги дуранг (2:2) ҳақида фикр билдирди.
«Менимча, биз яхши ҳимояландик. Ўйин охирида ҳаддан ташқари чуқур ҳимояланишга мажбур бўлдик, аммо бунга вазият ҳам ўз таъсирини ўтказгани аниқ. Рақиблар кўп вазият ярата олишмади, шу сабабли стандарт вазиятдан гол ўтказиб юборганимиз икки ҳисса аламли бўлди. Аммо реаллик шундай: биз бир очко олдик ва энди бор эътиборимизни Швеция билан ўйинга қаратмоқчимиз.
Биз шу зайлда давом этишимиз керак. Бу фақат старт ва биз турнирга киришиб олишимиз лозим. Умид қиламанки, олдинда бизни ҳали кўплаб ўйинлар кутмоқда. Баҳс сўнгида гол ўтказиб юборганимиз сабабли туйғулар у қадар ёқимли эмас, лекин биз олдинга ҳаракат қилишда давом этамиз», — дея футболчининг сўзларини келтиради Халқаро футбол федерацияси (FIFA) расмий сайти.
Нидерландия терма жамоаси 20 июнь куни Швецияга қарши майдонга тушади.
