Jahon chempionati – 2026 dagi ilk uchrashuvida Tunis terma jamoasi Shvesiyadan 1:5 hisobida yirik mag‘lubiyatga uchradi. Afrika jamoasi bosh murabbiyi Sabri Lyamushi ushbu muvaffaqiyatsiz natija haqida gapirdi.
«Biz musobaqadagi ishtirokimizni yirik mag‘lubiyat bilan boshladik. Bu juda og‘ir zarba. Juda ko‘plab xatolarga yo‘l qo‘ydik. Shvesiya terma jamoasi hujum chizig‘ida jahon darajasidagi ikki nafar hujumchi harakat qiladi va ular bizni xatolarimiz uchun kechirishmadi», — deya mutaxassisning so‘zlarini keltiradi L'Équipe nashri.
Tunis terma jamoasi ushbu nufuzli turnirdagi navbatdagi uchrashuvini Yaponiya milliy jamoasiga qarshi o‘tkazadi. Guruh bosqichining so‘nggi turida esa Lyamushi shogirdlariga Niderlandiya terma jamoasi raqiblik qiladi.
