Жаҳон чемпионати – 2026 даги илк учрашувида Тунис терма жамоаси Швециядан 1:5 ҳисобида йирик мағлубиятга учради. Африка жамоаси бош мураббийи Сабри Лямуши ушбу муваффақиятсиз натижа ҳақида гапирди.
«Биз мусобақадаги иштирокимизни йирик мағлубият билан бошладик. Бу жуда оғир зарба. Жуда кўплаб хатоларга йўл қўйдик. Швеция терма жамоаси ҳужум чизиғида жаҳон даражасидаги икки нафар ҳужумчи ҳаракат қилади ва улар бизни хатоларимиз учун кечиришмади», — дея мутахассиснинг сўзларини келтиради L'Équipe нашри.
Тунис терма жамоаси ушбу нуфузли турнирдаги навбатдаги учрашувини Япония миллий жамоасига қарши ўтказади. Гуруҳ босқичининг сўнгги турида эса Лямуши шогирдларига Нидерландия терма жамоаси рақиблик қилади.
