Madridning «Real» klubi va Fransiya terma jamoasi hujumchisi Kilian Mbappe o‘zining zaif jihati haqida gapirib berdi. To‘purar futbolchi himoyalanish borasida kamchiliklari borligini ta’kidladi.
«Himoyada o‘yinni kuchaytirishim kerakligini bilaman. Buning uchun nima talab etilsa, barchasini bajarishga tayyorman. Jahon chempionatida g‘olib chiqishni juda ham istayapman. Bunga nima qilib bo‘lsa ham erishish niyatidaman», — deya forvardning so‘zlarini keltiradi RMC Sport nashri.
Fransiya terma jamoasi mundialda Senegal, Iroq va Norvegiya milliy jamoalari bilan bir guruhdan joy olgan. Didye Desham shogirdlari turnirdagi ilk uchrashuvini senegalliklarga qarshi o‘tkazadilar. Mazkur bahs seshanba kuni, 16 iyun kuni bo‘lib o‘tadi va o‘yin Toshkent vaqti bilan soat 00:00 da boshlanishi rejalashtirilgan.
