Angliya terma jamoasi va «Manchester Siti» klubi sobiq himoyachisi Mayka Richards JCH-2026 guruh bosqichi 1-turidan joy olgan Belgiya — Misr uchrashuvida belgiyaliklar tomonidan kiritilgan gol haqida o‘z fikrini bildirdi. Uchrashuv 1:1 hisobidagi durang bilan yakunlandi. Misrliklar 19-daqiqada hisobni ochishgan bo‘lsa, Belgiya terma jamoasi 66-daqiqada javob to‘pini kiritishga muvaffaq bo‘ldi.
«Himoya chizig‘ida o‘ynayotganingda, to‘p ham, raqib ham sening oldingda bo‘lishini xohlaysan. Ammo o‘z darvozang tomon orqaga qarab yugurishga majbur bo‘lganingda, vaziyat ustidan o‘zing istagan nazoratni yo‘qotasan.
Menimcha, agar Misr himoya chizig‘ini bir oz pastroqqa surganida, bu golning oldini olish mumkin edi», — deya Richardsning so‘zlarini keltiradi BBC One.













