Braziliya terma jamoasining sobiq hujumchisi Ronaldo Vinisius va Rafinyaning milliy jamoadagi roli haqida o‘z fikrlari bilan o‘rtoqlashdi.

«Bizda yaxshi jamoa bor, o‘z klublariga foyda keltirayotgan yaxshi futbolchilar yetarli. Biroq ular klublaridagi kabi natijalarni ko‘rsatishlari uchun milliy terma jamoaga ham yaxshi moslashishlari kerak, shunday emasmu?

Biz Vinisiusning «Real» uchun qanchalik muhimligini ko‘rib turibmiz. Terma jamoada ham undan xuddi shunday o‘yin kutamiz va uning o‘zi ham juda harakat qilmoqda. Ba’zida o‘xshamayapti. Shuning uchun biroz sabr qilish kerak.

Raqibga qachon hujum qilish, qachon ortga chekinish, pas uzatish, yana bo‘sh hudud yaratib, hujum uchun imkoniyatni ko‘ra bilish kerakligini tushunish lozim. Hujum qilish uchun to‘g‘ri paytni bilish zarur.

Ammo bu ikkisi asosiy futbolchilar ekanligi mantiqan to‘g‘ri, shunday emasmi? Shu sababli muxlislar ulardan natija talab qilishadi», – dedi Ronaldo.