Бразилия терма жамоасининг собиқ ҳужумчиси Роналдо Винисиус ва Рафиньянинг миллий жамоадаги роли ҳақида ўз фикрлари билан ўртоқлашди.

«Бизда яхши жамоа бор, ўз клубларига фойда келтираётган яхши футболчилар етарли. Бироқ улар клубларидаги каби натижаларни кўрсатишлари учун миллий терма жамоага ҳам яхши мослашишлари керак, шундай эмасму?

Биз Винисиуснинг «Реал» учун қанчалик муҳимлигини кўриб турибмиз. Терма жамоада ҳам ундан худди шундай ўйин кутамиз ва унинг ўзи ҳам жуда ҳаракат қилмоқда. Баъзида ўхшамаяпти. Шунинг учун бироз сабр қилиш керак.

Рақибга қачон ҳужум қилиш, қачон ортга чекиниш, пас узатиш, яна бўш ҳудуд яратиб, ҳужум учун имкониятни кўра билиш кераклигини тушуниш лозим. Ҳужум қилиш учун тўғри пайтни билиш зарур.

Аммо бу иккиси асосий футболчилар эканлиги мантиқан тўғри, шундай эмасми? Шу сабабли мухлислар улардан натижа талаб қилишади», – деди Роналдо.