«Bavariya» hujumchisi Xarri Keyn «Oltin to‘p» sovrinini qo‘lga kiritish imkoniyatlari haqida gapirdi.

«Agar «Oltin to‘p» ertaga topshirilganida, unga loyiqman deb hisoblarmidim? Ha. «Oltin to‘p»ni yutish uchun asosiy favoritlarga e’tibor qaratsangiz, Maykl Oliseni, shuningdek, Chempionlar ligasi finaligacha yetib borgan futbolchilarni va meni ajratib ko‘rsatish mumkin. Shu bilan birga, men u yoqdan-bu yoqqa yurib, «Oltin to‘p»ga loyiqman deb jar soladigan insonlar toifasidan emasman. Men maydondagi o‘yinim men uchun gapirishiga harakat qilaman», — deya Keynning so‘zlarini keltiradi L’Equipe nashri.

2025/26 yilgi mavsumda Xarri Keyn «Bavariya» safida barcha musobaqalarda 55 ta o‘yinda maydonga tushib, 61 ta gol urdi va 7 ta golli uzatmani amalga oshirdi.