Ispaniya terma jamoasi va «Arsenal» golkiperi David Rayya JCH-2026 doirasidagi Saudiya Arabistoniga qarshi bo‘lajak o‘yin haqida fikr yuritdi.
«Biz oldinga harakat qilishimiz kerak. Kabo-Verde bilan o‘yindan to‘g‘ri xulosa chiqarishimiz lozim. Oson bo‘lmasligini bilardik... O‘yin darajamizni oshirishimiz kerakligini tushunib turibmiz, ammo ishga bo‘lgan munosabatimiz o‘zgargani yo‘q.
To‘p darvoza to‘riga borib tushishi uchun bizga biroz ko‘proq omad kerak.
Nafaqat «Arsenal»da, balki istalgan jamoada ham yuksalish va pasayish davrlari bo‘ladi. Ishlar unchalik yaxshi ketmayotgan bunday paytlarda oldinga intilish va kurashish kerak.
Turnirdagi yo‘lingni har doim ham o‘zing xohlagandek boshlay olmaysan. Birinchi o‘yinni ortga qaytara olmaymiz, biroq bor e’tiborimizni ikkinchi o‘yinga qaratishimiz, o‘z oldimizga yuqori talablar qo‘yishimiz va uch ochkoni qo‘lga kiritishimiz zarur», – dedi Rayya ESPN'ga bergan intervyusida.
