Испания терма жамоаси ва «Арсенал» голкипери Давид Райя ЖЧ-2026 доирасидаги Саудия Арабистонига қарши бўлажак ўйин ҳақида фикр юритди.
«Биз олдинга ҳаракат қилишимиз керак. Кабо-Верде билан ўйиндан тўғри хулоса чиқаришимиз лозим. Осон бўлмаслигини билардик... Ўйин даражамизни оширишимиз кераклигини тушуниб турибмиз, аммо ишга бўлган муносабатимиз ўзгаргани йўқ.
Тўп дарвоза тўрига бориб тушиши учун бизга бироз кўпроқ омад керак.
Нафақат «Арсенал»да, балки исталган жамоада ҳам юксалиш ва пасайиш даврлари бўлади. Ишлар унчалик яхши кетмаётган бундай пайтларда олдинга интилиш ва курашиш керак.
Турнирдаги йўлингни ҳар доим ҳам ўзинг хоҳлагандек бошлай олмайсан. Биринчи ўйинни ортга қайтара олмаймиз, бироқ бор эътиборимизни иккинчи ўйинга қаратишимиз, ўз олдимизга юқори талаблар қўйишимиз ва уч очкони қўлга киритишимиз зарур», – деди Райя ESPN'га берган интервьюсида.
