Fransiyalik hujumchi Kilian Mbappening fikricha, g‘olib jamoa doimo futbolda yangi moda va trendlarni belgilab beradi — qolgan barcha jamoalar esa imkon qadar unga moslashishga va undan o‘rganishga harakat qilishadi.
«Futbolda davrlar madaniyati mavjud. G‘olib bo‘layotgan jamoalar doimo boshqa, nisbatan kamroq muvaffaqiyatga erishayotgan jamoalar uchun futbol ilhom manbai bo‘lib xizmat qiladi. G‘olib jamoa modani yaratadi. Men bolaligimda bunday jamoa «Barselona» edi, keyinchalik uch nafar hujumchidan iborat triosi bilan «Real Madrid» mana shunday maqomga erishdi. Hozirgi kunda esa bu «PSJ»ning yuqori pressingidir», — deya futbolchining so‘zlaridan iqtibos keltiradi derbyderbyderby.it portali.
Ayni paytda Kilian Mbappe Fransiya terma jamoasi safida Jahon chempionati bahslarida ishtirok etmoqda.
