Marokash terma jamoasi JCH-2026ning 1/16 finalida Niderlandiya milliy terma jamoasini mag‘lub etdi. Yakuniy hushtak chalinganidan keyin afrikaliklar ustozi Mohamed Uahbi jurnalistlar bilan muloqot qildi.
«Bizning mentalitetimiz JCH-2022dayoq o‘zgargan edi. Fanatlarimiz singari futbolchilar ham o‘z kuchiga ishonishadi. Bu juda muhim ahamiyatga ega. Hozir bizga nisbatan talablar yanada jiddiylashgan, chunki ular uzoqqa bora olishimizni bilishadi. Keyingi o‘yinimizni Kanadaga qarshi o‘tkazamiz. Bu bahs biz uchun oson sayr bo‘lmasligi aniq. Bizga qarshi jiddiy raqib maydonga tushadi», — deya murabbiyning so‘zlarini keltiradi France 24.
Eslatib o‘tamiz, Niderlandiya – Marokash uchrashuvining asosiy vaqti 1:1 hisobida yakunlandi. Penaltilar seriyasida esa afrikaliklar 3:2 hisobida g‘alaba qozonishdi.
