Марокаш терма жамоаси ЖЧ-2026нинг 1/16 финалида Нидерландия миллий терма жамоасини мағлуб этди. Якуний ҳуштак чалинганидан кейин африкаликлар устози Моҳамед Уаҳби журналистлар билан мулоқот қилди.
«Бизнинг менталитетимиз ЖЧ-2022даёқ ўзгарган эди. Фанатларимиз сингари футболчилар ҳам ўз кучига ишонишади. Бу жуда муҳим аҳамиятга эга. Ҳозир бизга нисбатан талаблар янада жиддийлашган, чунки улар узоққа бора олишимизни билишади. Кейинги ўйинимизни Канадага қарши ўтказамиз. Бу баҳс биз учун осон сайр бўлмаслиги аниқ. Бизга қарши жиддий рақиб майдонга тушади», — дея мураббийнинг сўзларини келтиради France 24.
Эслатиб ўтамиз, Нидерландия – Марокаш учрашувининг асосий вақти 1:1 ҳисобида якунланди. Пенальтилар сериясида эса африкаликлар 3:2 ҳисобида ғалаба қозонишди.
