Braziliya terma jamoasi Yaponiyani 1:2 hisobida mag‘lub etib, Jahon chempionatining 1/8 final (nimchorak final) yo‘llanmasini qo‘lga kiritdi. Ikkinchi bo‘limga qo‘shib berilgan vaqtda Bruno Gimaraesning uzatmasidan so‘ng Gabriel Martinelli g‘alaba golini kiritdi.
Gimaraes 4 ta golli uzatma bilan joriy mundialning eng yaxshi assistentlari poygasida peshqadamlik qilmoqda.
Opta tahlilchilari yana bir qiziqarli faktni taqdim etishdi: bitta Jahon chempionatida bundan ko‘proq golli uzatmani amalga oshirgan so‘nggi braziliyalik futbolchi afsonaviy Pele bo‘lgan edi. Futbol qiroli 1970 yilgi mundialda sheriklariga 6 marta gol urish uchun imkoniyat yaratib bergan.
JCH-2026ning 1/8 finalida Braziliya Kot-d’Ivuar yoki Norvegiya terma jamoasiga qarshi maydonga tushadi.
