Бразилия терма жамоаси Японияни 1:2 ҳисобида мағлуб этиб, Жаҳон чемпионатининг 1/8 финал (нимчорак финал) йўлланмасини қўлга киритди. Иккинчи бўлимга қўшиб берилган вақтда Бруно Гимараэснинг узатмасидан сўнг Габриэл Мартинелли ғалаба голини киритди.

Гимараэс 4 та голли узатма билан жорий мундиалнинг энг яхши ассистентлари пойгасида пешқадамлик қилмоқда.

Opta таҳлилчилари яна бир қизиқарли фактни тақдим этишди: битта Жаҳон чемпионатида бундан кўпроқ голли узатмани амалга оширган сўнгги бразилиялик футболчи афсонавий Пеле бўлган эди. Футбол қироли 1970 йилги мундиалда шерикларига 6 марта гол уриш учун имконият яратиб берган.

ЖЧ-2026нинг 1/8 финалида Бразилия Кот-д’Ивуар ёки Норвегия терма жамоасига қарши майдонга тушади.