Yaqinda Robert Levandovski Amerikaning «Chikago Fayr» klubi bilan shartnoma imzoladi. Endi futbolchi AQSHga ko‘chib o‘tishi kerak, u yerda u keyingi ikki mavsum davomida to‘p suradi. Biroq polshalik hujumchining rafiqasi Anna Levandovskilar oilasi hayotidagi bo‘lajak o‘zgarishlardan unchalik xursand emas.
«Oldinda katta o‘zgarishlar, Chikagoga ko‘chib o‘tish turibdi. Garchi men xursand bo‘lishim kerak bo‘lsa-da, hozir men dahshatdaman. Barselona mening uyim va boshpanamga aylandi, men uni butun qalbim bilan sevib qoldim. Yana hamma narsani yig‘ishtirish, qurgan narsalarimni tashlab ketish va hammasini boshidan boshlash haqidagi o‘y meni shunchaki dahshatga solmoqda», — deb yozdi hujumchining rafiqasi ijtimoiy tarmoqlarda.
Anna shuningdek, professional futbolchining rafiqasi bo‘lish nafaqat hashamat, balki oilaviy majburiyatlar ham ekanini qo‘shimcha qildi.
37 yoshli polyak so‘nggi to‘rt mavsumni «Barselona» safida o‘tkazdi. Bungacha Levandovski Myunxenning «Bavariya», Dortmundning «Borussiya» va boshqa klublarida to‘p tepgan.
