Belgiya terma jamoasi bosh murabbiyi Rudi Garsiya Jahon chempionatining 1/16 finalida Senegal terma jamoasi ustidan qozonilgan g‘alaba (3:2) haqida gapirdi.
Yevropa jamoasi 86-daqiqagacha 0:2 hisobida imkoniyatni boy berayotgan edi, biroq muvozanatni tiklab, o‘yinni qo‘shimcha bo‘limlarga olib o‘tdi. G‘alaba to‘pini 125-daqiqada penaltidan Yuri Tilemans kiritdi.
«Futbolda agar ishonsang, hamma narsaning iloji bor. Men avval ham aytganman, bu jamoaning kuchi, jumladan, zahira o‘rindig‘ida hamdir. Faqat o‘n bitta futbolchi bilan natijaga erishib bo‘lmaydi.
O‘yin oxiriga kelib raqiblar diqqatni yo‘qotishdi. Ular 2:0 hisobini saqlab qolmoqchi bo‘lishdi, bu esa, mening fikrimcha, katta xato edi. Bu bizga ishonch bag‘ishladi. Chunki hisob 1:2 bo‘lganida, o‘yin oqimi o‘zgardi. Shundan so‘ng biz hisobni tenglashtirdik va yakunda mana shu haqqoniy berilgan penaltini golga aylantirganimiz yaxshi bo‘ldi», – dedi Garsiya.
