Бельгия терма жамоаси бош мураббийи Руди Гарсия Жаҳон чемпионатининг 1/16 финалида Сенегал терма жамоаси устидан қозонилган ғалаба (3:2) ҳақида гапирди.

Европа жамоаси 86-дақиқагача 0:2 ҳисобида имкониятни бой бераётган эди, бироқ мувозанатни тиклаб, ўйинни қўшимча бўлимларга олиб ўтди. Ғалаба тўпини 125-дақиқада пенальтидан Юри Тилеманс киритди.

«Футболда агар ишонсанг, ҳамма нарсанинг иложи бор. Мен аввал ҳам айтганман, бу жамоанинг кучи, жумладан, заҳира ўриндиғида ҳамдир. Фақат ўн битта футболчи билан натижага эришиб бўлмайди.

Ўйин охирига келиб рақиблар диққатни йўқотишди. Улар 2:0 ҳисобини сақлаб қолмоқчи бўлишди, бу эса, менинг фикримча, катта хато эди. Бу бизга ишонч бағишлади. Чунки ҳисоб 1:2 бўлганида, ўйин оқими ўзгарди. Шундан сўнг биз ҳисобни тенглаштирдик ва якунда мана шу ҳаққоний берилган пенальтини голга айлантирганимиз яхши бўлди», – деди Гарсия.