Senegal terma jamoasi bosh murabbiyi Pap Tiav Jahon chempionatining 1/16 finalida Belgiya jamoasidan uchralgan mag‘lubiyat (2:3) haqida fikr bildirdi.
Yevropa jamoasi 86-daqiqagacha 0:2 hisobida imkoniyatni boy berayotgan edi, biroq muvozanatni tiklab, o‘yinni qo‘shimcha bo‘limlarga olib o‘tdi. G‘alaba to‘pini 125-daqiqada penaltidan Yuri Tilemans kiritdi.
«Hakamning qaroriga izoh berishni xohlamayman. Bu og‘riqli, lekin bor kuchini bergan jamoani tabriklashimiz kerak. Biz ikkita to‘p farqidagi ustunlikni yaxshi boshqara olmadik. Penalti haqida har kim o‘z fikrini bildirishi mumkin, men bu haqda ko‘p gapirishni istamayman.
Bizda jismoniy holat bilan bog‘liq muammolar bo‘ldi, ba’zi futbolchilar charchab qolishdi, shu sababli o‘zgarishlar qilishga majbur bo‘ldik. Buni qabul qilishimiz kerak, futbol shunaqa», – dedi Tiav.
