Сенегал терма жамоаси бош мураббийи Пап Тиав Жаҳон чемпионатининг 1/16 финалида Бельгия жамоасидан учралган мағлубият (2:3) ҳақида фикр билдирди.

Европа жамоаси 86-дақиқагача 0:2 ҳисобида имкониятни бой бераётган эди, бироқ мувозанатни тиклаб, ўйинни қўшимча бўлимларга олиб ўтди. Ғалаба тўпини 125-дақиқада пенальтидан Юри Тилеманс киритди.

«Ҳакамнинг қарорига изоҳ беришни хоҳламайман. Бу оғриқли, лекин бор кучини берган жамоани табриклашимиз керак. Биз иккита тўп фарқидаги устунликни яхши бошқара олмадик. Пенальти ҳақида ҳар ким ўз фикрини билдириши мумкин, мен бу ҳақда кўп гапиришни истамайман.

Бизда жисмоний ҳолат билан боғлиқ муаммолар бўлди, баъзи футболчилар чарчаб қолишди, шу сабабли ўзгаришлар қилишга мажбур бўлдик. Буни қабул қилишимиз керак, футбол шунақа», – деди Тиав.