Angliya terma jamoasi yarim himoyachisi Deklan Rays sog‘lig‘ida muammolar bo‘lishiga qaramay, Jahon chempionatining nimchorak finalidan o‘rin olgan Meksikaga qarshi bo‘lajak uchrashuvda maydonga tushishga tayyor.
«Arsenal» futbolchisi belning pastki qismi va sonning orqa mushaklarida og‘riq his qilayotgan bo‘lsa-da, «uch sherlar»ning asosiy tarkibida maydonga tushishi kutilmoqda. Shuningdek, bosh murabbiy Tomas Tuxel «kanonirlar» xavbekidan o‘ng qanot himoyasi pozisiyasida foydalanmasligi taxmin qilinmoqda.
Angliya va Meksika terma jamoalari o‘rtasidagi uchrashuv 6 iyul kuni Toshkent vaqti bilan soat 05:00 da boshlanadi. Eslatib o‘tamiz, 1/16 finalda inglizlar DR Kongo ustidan irodali g‘alabaga erishishgan edi — o‘shanda Rays maydonda 89 daqiqa harakat qilgan.
