Norvegiya terma jamoasi yarim himoyachisi Patrik Berg Jahon chempionati — 2026 1/8 finalida Braziliya ustidan qozonilgan g‘alabadan so‘ng o‘z fikrlari bilan o‘rtoqlashdi. Uchrashuv 2:1 hisobida norvegiyaliklar foydasiga yakunlandi.
— Biz o‘z kuchimizga ishonamiz. Jamoamiz juda ahil va jipslashgan. Braziliya ustidan qozonilgan g‘alabadan keyin bizda boshqa jamoalar oldida hech qanday qo‘rquv qolmadi. Braziliya kuchli jamoa ekanligini bilardik, ammo biz ularni mag‘lub etdik, — deya Bergning so‘zlarini keltiradi GeGlobo nashri.
Jahon chempionati — 2026 chorak finalida Norvegiya terma jamoasi Angliya milliy terma jamoasiga qarshi maydonga tushadi. Uchrashuv 12 iyul kuniga rejalashtirilgan. Bosh hakamning start hushtagi Toshkent vaqti bilan tungi soat 02:00 da yangrashi kutilmoqda.
