Норвегия терма жамоаси ярим ҳимоячиси Патрик Берг Жаҳон чемпионати — 2026 1/8 финалида Бразилия устидан қозонилган ғалабадан сўнг ўз фикрлари билан ўртоқлашди. Учрашув 2:1 ҳисобида норвегияликлар фойдасига якунланди.
— Биз ўз кучимизга ишонамиз. Жамоамиз жуда аҳил ва жипслашган. Бразилия устидан қозонилган ғалабадан кейин бизда бошқа жамоалар олдида ҳеч қандай қўрқув қолмади. Бразилия кучли жамоа эканлигини билардик, аммо биз уларни мағлуб этдик, — дея Бергнинг сўзларини келтиради GeGlobo нашри.
Жаҳон чемпионати — 2026 чорак финалида Норвегия терма жамоаси Англия миллий терма жамоасига қарши майдонга тушади. Учрашув 12 июль кунига режалаштирилган. Бош ҳакамнинг старт ҳуштаги Тошкент вақти билан тунги соат 02:00 да янграши кутилмоқда.
