Argentina terma jamoasi yarim himoyachisi Leandro Paredes JCH-2026 pley-off bosqichining ilk raundida Kabo-Verde ustidan qozonilgan g‘alabani yodga oldi. «Albiseleste» afrikaliklarni qo‘shimcha vaqtda 3:2 hisobida taslim etgan edi.
«Ushbu uchrashuvda bizga yaxshigina dars berildi, ya’ni Jahon chempionatida hech bir o‘yin oson o‘tmasligini tushundik. Biz buni anglab yetdik va navbatdagi bahsda o‘z maksimal o‘yinimizni ko‘rsatamiz. Misr ham oson raqib bo‘lmaydi», — deya yarim himoyachiining so‘zlarini keltiradi Tyc Sports.
Argentina va Misr terma jamoalari o‘rtasidagi 1/8 final uchrashuvi bugun, 7 iyul kuni bo‘lib o‘tadi. Bosh hakamning start hushtagi Toshkent vaqti bilan 21:00 da chalinadi.
