Portugaliya terma jamoasi bosh murabbiyi Roberto Martines Ispaniya terma jamoasi vingeri Lamin Yamal haqidagi savolga javob berdi. Jahon chempionatining 1/8 finali doirasida bo‘lib o‘tgan jamoalar to‘qnashuvi ispanlarning 1:0 hisobidagi g‘alabasi bilan yakunlandi. Yagona golni 91-daqiqada zaxiradan maydonga tushgan Mikel Merino kiritdi.
«Barselona»ning 18 yoshli vingeri uchrashuvni dastlabki daqiqalardan boshlab oxirigacha o‘tkazdi, biroq portugaliyaliklar ustozida unchalik katta taassurot qoldirmadi.
«Bugungi o‘yinda Yamal bizga hech qanday muammo tug‘dirmadi», — deya Roberto Martinesning o‘yindan keyingi jurnalistlar bilan suhbatdagi so‘zlarini keltiradi The Touchline nashri.
Murabbiyning o‘zi uchun bu o‘yin Portugaliya terma jamoasi boshqaruvidagi so‘nggisi bo‘ldi — u o‘z lavozimini tark etishini tasdiqladi.
