Португалия терма жамоаси бош мураббийи Роберто Мартинес Испания терма жамоаси вингери Ламин Ямал ҳақидаги саволга жавоб берди. Жаҳон чемпионатининг 1/8 финали доирасида бўлиб ўтган жамоалар тўқнашуви испанларнинг 1:0 ҳисобидаги ғалабаси билан якунланди. Ягона голни 91-дақиқада захирадан майдонга тушган Микель Мерино киритди.
«Барселона»нинг 18 ёшли вингери учрашувни дастлабки дақиқалардан бошлаб охиригача ўтказди, бироқ португалияликлар устозида унчалик катта таассурот қолдирмади.
«Бугунги ўйинда Ямал бизга ҳеч қандай муаммо туғдирмади», — дея Роберто Мартинеснинг ўйиндан кейинги журналистлар билан суҳбатдаги сўзларини келтиради The Touchline нашри.
Мураббийнинг ўзи учун бу ўйин Португалия терма жамоаси бошқарувидаги сўнггиси бўлди — у ўз лавозимини тарк этишини тасдиқлади.
