Misr futbol federasiyasi JCH-2026ning 1/8 finalidan o‘rin olgan Argentina terma jamoasiga qarshi uchrashuvdagi (2:3) hakamlar brigadasining ishiga baho berdi. Mazkur o‘yinda bosh hakam sifatida Fransua Leteksye faoliyat olib borgan edi.
«Misr futbol federasiyasi Argentinaga qarshi o‘yin paytida qabul qilingan hakamlik qarorlari, shuningdek, VAR tizimidan to‘g‘ri foydalanilmagani borasida jim qarab tura olmaydi.
Bir nechta muhim vaziyatlar jiddiy xavotir uyg‘otdi va o‘yin borishiga bevosita ta’sir ko‘rsatgan qarorlarning izchilligi hamda adolatliligi borasida chuqur savollarni yuzaga keltirdi.
Uchrashuv davomida sodir bo‘lgan voqealar, shubhasiz, eng katta futbol sahnasida yuqori darajadagi hakamlikni kutgan futbolchilarimiz, shtab va muxlislarimiz o‘rtasida keng norozilikka sabab bo‘ldi.
Misr terma jamoasi futbolkasini kiyadigan har bir futbolchi va jamoani qo‘llab-quvvatlayotgan har bir muxlis adolatga, hurmatga va o‘yin qoidalarining teng qo‘llanilishiga loyiqdir», — deyiladi federasiya bayonotida.
