Миср футбол федерацияси ЖЧ-2026нинг 1/8 финалидан ўрин олган Аргентина терма жамоасига қарши учрашувдаги (2:3) ҳакамлар бригадасининг ишига баҳо берди. Мазкур ўйинда бош ҳакам сифатида Франсуа Летексье фаолият олиб борган эди.

«Миср футбол федерацияси Аргентинага қарши ўйин пайтида қабул қилинган ҳакамлик қарорлари, шунингдек, ВАР тизимидан тўғри фойдаланилмагани борасида жим қараб тура олмайди.

Бир нечта муҳим вазиятлар жиддий хавотир уйғотди ва ўйин боришига бевосита таъсир кўрсатган қарорларнинг изчиллиги ҳамда адолатлилиги борасида чуқур саволларни юзага келтирди.

Учрашув давомида содир бўлган воқеалар, шубҳасиз, энг катта футбол саҳнасида юқори даражадаги ҳакамликни кутган футболчиларимиз, штаб ва мухлисларимиз ўртасида кенг норозиликка сабаб бўлди.

Миср терма жамоаси футболкасини киядиган ҳар бир футболчи ва жамоани қўллаб-қувватлаётган ҳар бир мухлис адолатга, ҳурматга ва ўйин қоидаларининг тенг қўлланилишига лойиқдир», — дейилади федерация баёнотида.