Argentina terma jamoasi hujumchisi va sardori Lionel Messi 2026 yilgi jahon chempionati 1/4 finalida Shveysariya ustidan qozonilgan g‘alaba (3:1) haqidagi fikrlari bilan o‘rtoqlashdi. 39 yoshli futbolchi ushbu bahsda golli uzatmaga mualliflik qildi.
«Bu jahon chempionatida qanday qiyinchiliklar borligini bilamiz. Shveysariyaga qarshi o‘yin murakkab bo‘lishini kutgandik. Raqib bizni pressing qildi va bo‘sh zonalar qoldirmadi, shu sababli biz o‘zimiz istagandek o‘ynay olmadik va uchrashuv juda keskin ruhda o‘tdi.
Jamoamiz gol urganidan so‘ng, biroz ortga chekindik va keragidan ortiqroq himoyalandik. Shuningdek, to‘pni himoyadan olib chiqishda muammolarga duch keldik va yakunda ham darvozabon, ham markaziy himoyachilar tomonidan uzatilgan uzun paslarga tayanishga majbur bo‘ldik.
Bu juda og‘ir o‘yin bo‘ldi, ammo eng muhimi — yakuni yaxshi bo‘ldi va jamoa yana bir qadam oldinga tashladi», — dedi Messi Shveysariya bilan o‘yindan so‘ng miks zonada.
