Аргентина терма жамоаси ҳужумчиси ва сардори Лионель Месси 2026 йилги жаҳон чемпионати 1/4 финалида Швейцария устидан қозонилган ғалаба (3:1) ҳақидаги фикрлари билан ўртоқлашди. 39 ёшли футболчи ушбу баҳсда голли узатмага муаллифлик қилди.

«Бу жаҳон чемпионатида қандай қийинчиликлар борлигини биламиз. Швейцарияга қарши ўйин мураккаб бўлишини кутгандик. Рақиб бизни прессинг қилди ва бўш зоналар қолдирмади, шу сабабли биз ўзимиз истагандек ўйнай олмадик ва учрашув жуда кескин руҳда ўтди.

Жамоамиз гол урганидан сўнг, бироз ортга чекиндик ва керагидан ортиқроқ ҳимояландик. Шунингдек, тўпни ҳимоядан олиб чиқишда муаммоларга дуч келдик ва якунда ҳам дарвозабон, ҳам марказий ҳимоячилар томонидан узатилган узун пасларга таянишга мажбур бўлдик.

Бу жуда оғир ўйин бўлди, аммо энг муҳими — якуни яхши бўлди ва жамоа яна бир қадам олдинга ташлади», — деди Месси Швейцария билан ўйиндан сўнг микс зонада.