Angliya terma jamoasi Jahon chempionati — 2026 chorak finalida Norvegiya terma jamoasini mag‘lub etdi. «Uch sherlar» tarkibida har ikkala golga yarim himoyachi Jud Bellingem mualliflik qildi. Xavbekni uning sobiq klubi «Borussiya» tabrikladi.

«Jud, tabriklarimizni qabul qil. Biz bunday gol nishonlashni Dortmundda ham ko‘p ko‘rganmiz», — deyiladi «asalarilar»ning ijtimoiy tarmoqlardagi rasmiy sahifasida qoldirilgan xabarda.

Inglizlar mundialning yarim finaliga yo‘l olishdi va u yerda ularga amaldagi chempion Argentina terma jamoasi raqiblik qiladi. Ushbu bahs chorshanba kuni, 15 iyul kuni bo‘lib o‘tadi. Uchrashuv Toshkent vaqti bilan soat 00:00 da boshlanishi rejalashtirilgan.

Ikkinchi yarim final juftligida esa Fransiya va Ispaniya terma jamoalari o‘zaro to‘qnash kelishadi.