Англия терма жамоаси Жаҳон чемпионати — 2026 чорак финалида Норвегия терма жамоасини мағлуб этди. «Уч шерлар» таркибида ҳар иккала голга ярим ҳимоячи Жуд Беллингем муаллифлик қилди. Хавбекни унинг собиқ клуби «Боруссия» табриклади.
«Жуд, табрикларимизни қабул қил. Биз бундай гол нишонлашни Дортмундда ҳам кўп кўрганмиз», — дейилади «асаларилар»нинг ижтимоий тармоқлардаги расмий саҳифасида қолдирилган хабарда.
Инглизлар мундиалнинг ярим финалига йўл олишди ва у ерда уларга амалдаги чемпион Аргентина терма жамоаси рақиблик қилади. Ушбу баҳс чоршанба куни, 15 июль куни бўлиб ўтади. Учрашув Тошкент вақти билан соат 00:00 да бошланиши режалаштирилган.
Иккинчи ярим финал жуфтлигида эса Франция ва Испания терма жамоалари ўзаро тўқнаш келишади.
