Angliyaning «Manchester Yunayted» futbol klubi hujumchi Markus Reshfordning transferi bilan bog‘liq masalani yaqin haftalar ichida hal etishni rejalashtirmoqda. Bu haqda The Sun nashri jurnalisti Sem Lakxerst xabar berdi.
Manbaning ma’lum qilishicha, klub rahbariyati futbolchining transfer jarayonlarini joriy yilning avgust oyida Irlandiya poytaxti Dublin shahrida boshlanishi ko‘zda tutilgan o‘quv-mashg‘ulot yig‘iniga qadar to‘liq yakunlashni maqsad qilgan.
Qayd etilishicha, jamoa murabbiylar shtabi yangi mavsumga tayyorgarlik ko‘rish uchun mo‘ljallangan mazkur yig‘in boshlanishidan avval tarkib bilan bog‘liq noaniqliklarga barham berish va asosiy e’tiborni bo‘lajak musobaqalarga qaratishni lozim topmoqda.
