Argentina terma jamoasining 39 yoshli hujumchisi Lionel Messi 2026 yilgi Jahon chempionatining Angliyaga qarshi yarim final uchrashuvida o‘ziga xos natija qayd etdi.
The Touchline xabariga ko‘ra, inglizlarga qarshi bahsda Messi o‘ndan ortiq muvaffaqiyatli aldamchi harakat (dribling) amalga oshirgan. U JCH-2026da bir o‘yinda bunday ko‘rsatkichga erishgan yagona futbolchi hisoblanadi.
Uchrashuv Argentinaning Angliya ustidan 2:1 hisobidagi irodali g‘alabasi bilan yakunlandi. Messi o‘yinni to‘liq o‘tkazdi va o‘z hisobiga ikkita samarali uzatmani yozdirib qo‘ydi.
Yakshanba, 19 iyul kuni Argentina terma jamoasi mundial finalida Ispaniya bilan to‘qnash keladi.
