Transfermarkt portali hisob-kitoblariga ko‘ra, «Bavariya» va «Barselona» 1990 yildan buyon jahon chempionatlari finalida ishtirok etayotgan terma jamoalarga eng ko‘p futbolchi yuborgan klublar hisoblanadi.
Har ikkala klub ushbu davr mobaynida mundiallarning hal qiluvchi o‘yinlarida 27 nafardan futbolchi bilan ishtirok etgan. Uchinchi o‘rinni 20 nafar futbolchi bilan «Milan» egallagan bo‘lsa, «Yuventus» (19) va Madridning «Real» (18) klublari ulardan biroz ortda qolmoqda. Shuningdek, kuchli o‘nlikdan «Inter» (15), «Pari Sen-Jermen» (12), «Roma» (11), «Bayer» (11) va «Marsel» (10) klublari ham joy olgan.
Ta’kidlash joizki, joriy jahon chempionati finali 1978 yildan buyon ilk bor «Bavariya» futbolchilarisiz o‘tmoqda.
