Transfermarkt портали ҳисоб-китобларига кўра, «Бавария» ва «Барселона» 1990 йилдан буён жаҳон чемпионатлари финалида иштирок этаётган терма жамоаларга энг кўп футболчи юборган клублар ҳисобланади.

Ҳар иккала клуб ушбу давр мобайнида мундиалларнинг ҳал қилувчи ўйинларида 27 нафардан футболчи билан иштирок этган. Учинчи ўринни 20 нафар футболчи билан «Милан» эгаллаган бўлса, «Ювентус» (19) ва Мадриднинг «Реал» (18) клублари улардан бироз ортда қолмоқда. Шунингдек, кучли ўнликдан «Интер» (15), «Пари Сен-Жермен» (12), «Рома» (11), «Байер» (11) ва «Марсель» (10) клублари ҳам жой олган.

Таъкидлаш жоизки, жорий жаҳон чемпионати финали 1978 йилдан буён илк бор «Бавария» футболчиларисиз ўтмоқда.